الحب والكراهية

الحب والكراهية
مشاعر انسانية بداخل كل واحد منا الصغير والكبير, يمكن منحاولنخبي ونهرب منهم بفعل افعال مقصودة بس شقد ما حاولنا ما رح نحسن
العلاقة بين الحب والكراهية متل بين الجنة والنار بقصد بينهما خيط رفيع متل الصراط المستقيم
ومنشان هيك ف بأي لحظة ممكن الواحد يقلب من شخص محب الى شخص كاره
ومن خلال ما شفت وما خضت فيو من تجربة
شفت انو الواحد ممكن يحب من اول نظرة ويعيش قصة حب ولا اروع من هيك وممكن تنتهي نهاية حلوة كتير عيلة وولاد تحت سقف واحد وممكن يتحول هالحب الكبير لكره مو طبيعي لدرجة انو الواحد بمر جنب حبيبو ولا كأنو بيعرفو
طيب ليش كل هالحب فجأة يتحول لكراهية
كنت قول انو الخيانة والغدر والفصول الناقصة هيي يلي بتخلي الحب ينقلب
بس اكتشفت انو كتر الحب جد بيقلب لكراهية
جد ابشع شي الكره بعد الحب وخصوصي الكره يلي متولد عن كتر الحب
لو في خيانة او غدر ممكن يكون في مبرر لهل الكراهية , يمكن تقولو اني متناقضة او متخلفة بس جد كتير صارت معي

وهلق انتو شو رأيكن حكيي صح , يعيني في شي كراهية بتتولد عن كره ولا لازم الكراهية تتولد عن خيانة؟؟
بليز بدي ردود اذا ما كانت نابعة عن تجربة فتكون نابعة عن عقل منطقي

بسم الله الرحمن الرحيم
اول شي مشكورة ع الموضوع
تاني شي
هو الكراهيه ممكن تولد عن حب زيادة عن اللزوم
وعن جد في كتير ناس صار معون هيك
وكتير ناس بعرفون وصار معون انو يكونو بيحبو لدرجة الجنون
وبعد فترة بلاقي الواحد منون بيكره الشخص اللي كان يحبو اكتر حتى من درجة الجنون
وحتى واحد منون بيكره شخص لدرجة انو بدو يقتلو !!
بس انا من رأيي انو السبب ممكن يكون الخيانة وممكن كمان يكون حب زيادة عن اللزوم
يعني السببين ممكن يحولو الشخص من شخص بيحب لشخص بيكره
شكراً الك
وتقبلي مروري

مشكورة تيمة

انا برأي انو مافي كراهية تتولد من الكراهية نفسا انما الكراهية تتولد من خلال حب طويل لأنو اللي بيزيد عن حدو اكيد رح ينقلب ضدو
ا او متل ما قلتي الخيانة كمان عنصر اساسي للكره انا ما مريت بتجربة مشان قلك شو صار معي بس

لذلك ما رح اقدر اكتب اكتر من هيك

ومشكورة عالصرح الحلو تيمة
ثابري على ابداعاتك

اول شي هلا فيك مرة تانية بالمنتدى , وانشالله ما تتغيب عنا الا لاسباب قاهرة الا وهي الدراسة
وتاني شي شكرا لمرورك
وبالنسبة الي فبشوف هالايام الحب الزايد هوي يلي عم يولد الكراهية طبعا اكيد الخيانة بتلعب دورها كمان

شكرا ليت مي ولا تحرمنا من مواضيعك ومشاركاتك

ثانكس كتير فاروق ع ردك الحلو
وانشالله ما تجرب هالتجربة
وبليز خفف دخان خمس سيكارات بقعدة وحدة

اي ماشي ما تقولين الا خففتو

مشكورة خيتو

يا روحي وهي السادسة كمان............

مممممممممممممممممممممممم

خلاص رح فكر بالموضوع مشانك ها بس

فكر بس انتبه لا يتعب مخك
لآنو ما حدا يعرف انو انتا



الي بالي بالك

ههههههههههههههه

بجوز الحب الزايد بخلي الواحد يحب يتم مع حبيبو عطول.. لهيك اذا قدر يتم معو عطول معناتا وقت اطول للخنائ و المنائرة و وئت اطول للحكي المزعج .. وكل واحد الو مقدرة عالتحمل اد ما كان بحب حبيبو.
واذا ما قدر يكون معو عطول هالشي رح يكرهو بحبيبو لانو بكون عم يتعزب رح يكره حبيبو لانو مو حاسس فيه مو حاسس بحاجتو الو مو حاسس بشعورو.. لانو ما عم يشتئلو متلو ..
وبجوز لانو هوي الحب بقلبو عم يكبر و بحس انو حبو عم يئل بقلب حبيبو --> حبيبو ما بفرجيه انو بحبو
او انو حبيبو بفضل عليه كتير عالم او بكون مع العالم كتير ظريف ومعو بصير جفص !!
وما بدنا ننسى فعل الغيرة يلي متناسبة طردا مع الحب وهيي ممكن تئدي للكره لما يكون حبيبك عطول مع غيرك وما زيادة معك رح تغار وممكن تصل للكره !! يعني الحب الزايد ممكن يولد غيرة كبيرة تسوي كره !

ممكن يكون مجرد زهئ من الحبيب يعني في ناس ما بيئدرو يتمو مرتبطين بشخص لفترة طويلة انا هي ما صارت معي بس بتوقع حدوثا عند غير ناس ..

انا هيك برأيي وسوري اطعت موضوع التدخين تبع ابو ريما !!!