john cena V I P
عدد الرسائل : 710 العمر : 32 علم دولتي : 0 المهنة : الاوسمة : تاريخ التسجيل : 02/08/2008
| موضوع: صايم ما صامش حاجة!!!!!!!!!!! الجمعة سبتمبر 19, 2008 7:29 pm | |
| صايم ما صامش حاجة...
كوميديا رمضانية اجتماعية كل عام و انتم بخير
كابتن صايم
كابتن صايم راجل رياضى كان لعيب كورة فى الماضى000ودلوقت ياعينى قاعد فاضى كابتن صايم قام من النوم000علشان يتسحر ويصوم وقال يارب اتقبل منا0000والخير علينا يدوم والصبح نزل ع القهوة00قاعد هناك بالساعات هو وصحابه بيحكوا00ع الدورى وع البطولات ولحد العصر قاعد 000بيتكلم عن المنتخب وهزايم على أرضنا000وحاجات ليها العجب ولما ييجى العصر000جرى على السرير ظبط المنبه ع المدفع000مظبوط من غير تأخير ماهو عاوز يعجل بالفطر00صايم بجد مش أى كلام عمل اللى عليه وزيادة00وأدى فريضة الصيام ودعى يارب احيينا نصوم بكرة000زى النهاردة تمام
أستاذ صايم
أستاذ صايم مربى فضيل مدرس كفء ملوش مثيل000وقنوع بيرضى بالقليل م الفجر قايم للسحور و ع المدرسة جرى وبسرعة000علشان يلحق الطابور وقعد نايم طول الحصة000واهم حاجة يمضى حضور وان حد من الطلاب ضايقه000أو كلمه يغضب ويثور قال ايه الصيام ياعينى000بيخليه دايما متضايق وخلص اليوم الدراسى00واستاذنا كان مش رايق كان نفسه ينام كمان ساعتين00علشان فى الدرس يبقى فايق ولما كان الدرس000كان عنده طالب غلبان مدفعش فلوس الشهر000وابوه ياعبنى عيان استاذنا غضب واتنرفز00وطرده من الدرس كمان وقاله حرام عليك00انت مش انسان ازاى متدنيش حقى00واحنا فى رمضان
آنسة صايمة
آنسة صايمة بنت ملتزمة متعملش حوارات ملهاش لزمة00وان حد عاكسها تضربه بالجزمة مرضيتش تروح الكلية000علشان مش عايزة تقابل حد اصلها خايفة على صيامها000وصحابها هناك غلسين بجد غلبت تقولهم احنا فى رمضان00وانها لبست طرحة كمان آه ماهى صايمة من الفجرية000ولحد المغرب ياجماعة آنسة صايمة دى شخصية 0000محترمة جداً وشجاعة صاحبها ميمى كلمها 00000على الموبايل فى العصرية قالها ليه مجتيش من بدرى000دى الشلة قاعدة ومستنية قالتله شوف يابنى,انا صايمة000وعن صيامى انا مش مستغنية وانت كمان المفروض صايم0000اقعد بقى فى البيت ياحبيبى واياك تكلمنى على المحمول000علشان هشيله خلاص من جيبى واهجيبلك م الآخر ياعنيا0000علشان لا تفكر ولاتحتار ريح نفسك انا مش جايه0000ياحبيبى غير بعد الفطار
الحاج صايم
الحاج صايم راجل بقّال راجل أمين مش محتال000وتجارته ماشية عال العال قفل المحل طول اليوم000وقال والله مانا شغال واحد سأله ليه ياحج000توقف حالنا ورزق العيال قاله يابنى انا راجل صايم000وعيب لما اكدب فى رمضان علشان كده ريحت دماغى00وقمت قافل الدكّان رد الراجل قاله ياحاج0000وانت هتكدب ليه ع الناس رد الحج بكل شــجــاعة000وأمانة وصدق واخلاص بينى وبينك انا عندى بضاعة000مدة صلاحيتها خلاص وكمان كمية محدودة0000وشايلها للسوق السودا قلت فى رمضان مش هبيعها000يمكن تغلى كمان ع العيد وبكده ابقى حفظت صيامى0000ورزق ولادى كمان هيزيد
الست صايمة
الست صايمة ست فضيلة محترمة جدا وفضيلة00وكمان تبقى كبيرة العيلة اخدت قرار شجاع جدا00انها هتشيل التليفزيون ولما لقت نفسها زهقانة000راحت مسكت التليفون قالت تسلم على اخواتها00واهو بالمرة تسلى صيامها مسكت لستة التليفونات000لقيت 100 تمرة قدامها وبعد العصر سابت التليفون00راحت طالعة على جارتها لقيت كل جيرانها هناك000كل واحدة مخنوقة من بيتها قالوا نحكى مشاكل الناس000يمكن تهون علينا مشاكلنا شفتى فلانة ضربت ابنها00واحنا مش عارفين نربى عيالنا وفلانة جوزها ياعينى طلقها000علشان حرقتلوا التلاجة وفلانة خطيبها سابها0000والست صايمة ماقالتش حاجة لحد ما المدفع ضرب0000دعت بدعاء الافطار قالولها انتى ليه ساكتة000يااختى من اول النهار قالت وأضيع صيامى؟00000علشان اتكلم معاكم ادينى عرفت اللى انا عايزاه00ودلوقت بقى يسعد مساكم
الاسطى صايم
الاسطى صايم سواق ماهر حريف فى سواقته وشاطر000يروح مشوار وكأنه مسافر سايق دايما مستعجل000وان حد قاله على مهلك يتنرفز جدا اوى ويزعق000ويقوله انت مال أهلك عصبى جدا بالذات لو صايم00زيه زيى بقيت الناس بس هو عصبى زيادة000أصله راجل حساس واحد خبط العربية بتاعته000وكان قاعد كده ولا هامه صاحبنا اتنرفز اوى واتعصب000وخبط الراجل سيح دمه قال يستاهل كان هيضيع صيامى000حد يشيله من قدامى انا مش طايق اشوف وشه000واحد قاله اهدى يابيه وتعالى وصلنى لحد العتبة00قاله هاخد عشرة جنيه الراجل استغرب اوى 000كان هيغمى ياعينى عليه قال حرام عليك ياسطى000عاوزنى ادفع كل ده ليه رد صاحبنا وقاله يادوبك00انت متعرفش البنزين غالى مش معقول تبقى صايم00وتقول مايغلى وانا مالى ده رزق ناس يابنى0000عاوز تاخد رزق عيالى
الواد صايم
الواد صايم حبيب جده صايم بقى ومحدش قده000ومافيش قبله ولا فيه بعده هو حبيب اصحابه واهله000ولما يشوف محتاج بيساعده فكر وقال انا لازم اساعد000اصحابى اللى بيحبونى بس ازاى اساعدهم000دول ياما زمان ساعدونى جاتله فكرة لذيذة فعلا000قال هساعد اصحابى الصايمين راح استخبى فى الحمام000واستنى كده يجى ساعتين لحد ماصاحبه حمادة0000نسى وراح علشان يشرب لقى بمب وصواريخ 00ومدافع عمالة بتضرب توتو خاف اوى ووقع00ع الارض وصايم نازل ضحك قاله تعيش وتاخد غيرها000وراح يشترى تانى م الكشك حمادة قاله حرام عليك00بطل شقاوة فى رمضان قاله دانا بساعدك ياحبيبى00المفروض تشكرنى كمان امال اصلى صيامى بايه0000هو البمب ده احلى العابى راح افرقعه فى اخواتى0000وجيرانى وكل صحابى
عم صايم
عم صايم راجل غلبان على قد حاله واقل كمان0000طول الليل قاعد سهران على باب الجامع مستنى الفجر00فرصة واحنا فى رمضان أى حد يشوفه يقوله 0000أنا طالب منك احسان حسنة قليلة هتمنع عنك000بلاوى وترتاح على طول وانا عاوز اعلم عيالى0000وأدفع فاتورة المحمول واحجز لابنى فى مدرسة خاصة000وكمان عاوز اعمل مشروع راح يضمن مستقبل اسرة0000وهيحميها كمان م الجوع والصدقة فى رمضان مستحبة00ادينى من اللى عندك حبة مرة يقعد على كرسى ويشكى000انه ياعينى مابيمشيش ومرة يعمل نفسه كفيف0000علشان عاوز ياكل عيش وكمان مع شدة حاله0000عاوز ياخد ثواب الصيام واحد قاله ماتفطر يابنى000قاله افطر لا حراااااااااام
موظف صايم
صايم أفندى موظف همام راجل صح مش أى كلام0000رايح شغله فى معاده تمام يمكن يقعد ساعة يصلى0000ايمان وتقوى من غير مقاطعة وساعات يقعد يسلى صيامه000ويحل الكلمات المتقاطعة أو يمكن صاحبه يجيله00000ويقعد وياه طول اليوم وان جاله مواطن فى شغل00مش معقول هيسيبه ويقوم ممكن ده يفوت بكرة0000أو بعده او مايجيش تانى انما بقى لو جاله مفتش00او مسئول يخلصه فى ثوانى ويرجع تعبان اوى من شغله000من حقه يريح ساعتين ومنبهه مظبوط تماااام0000قبل المغرب بدقيقتين يصحى ويفطر كده على طول000ويدعى صيامه يكون مقبول وكمان يدعى يارب ابعد عنى0000شر كل مسئـــــول
صايم ( من غير لقب)
صايم بقى آخر شخصية وده متوصى عليه شوية0000أصله قريب جدا ليا اسمه صايم كده على طول00صايم كده من غير القاب واحد رايق جدا جدا0000وبيحبكم اوى ياشباب بس عنده مشكلة بسيطة00أنه بيقعد ع النت كتير عامل مسرحيات واخبار000وكان عاوز يعمل فوازير لكن النت ده كل حياته0000وخصوصا فى رمضان واهو سايب امتحاناته000والمذاكرة كمان واهو من اول رمضان00قاعد ع النت ولسة ماقامش تفتكروا معايا صايم000صاحبنا ولا ماصامش
| |
|
BanG.BanG عضو متألق
عدد الرسائل : 171 علم دولتي : 0 تاريخ التسجيل : 08/08/2008
| موضوع: رد: صايم ما صامش حاجة!!!!!!!!!!! الأحد سبتمبر 21, 2008 5:01 am | |
| يسلمو كتير ظريفة و واقعية فعلا الصيام مو بس اكل و شرب الصيام اخلاق و تعامل و دين قبل كل شي | |
|
john cena V I P
عدد الرسائل : 710 العمر : 32 علم دولتي : 0 المهنة : الاوسمة : تاريخ التسجيل : 02/08/2008
| موضوع: رد: صايم ما صامش حاجة!!!!!!!!!!! الخميس سبتمبر 25, 2008 3:23 pm | |
| يسلمو ع المرور
نورتي الموضوع | |
|
قناص سوريا عضو متألق
عدد الرسائل : 282 العمر : 35 مزاجي : المهنة : الاوسمة : تاريخ التسجيل : 05/09/2008
| موضوع: رد: صايم ما صامش حاجة!!!!!!!!!!! الإثنين سبتمبر 29, 2008 3:50 pm | |
| مشكور ابو الجوج عالمرور قصدي عالموضوع هههههههههههه | |
|
john cena V I P
عدد الرسائل : 710 العمر : 32 علم دولتي : 0 المهنة : الاوسمة : تاريخ التسجيل : 02/08/2008
| موضوع: رد: صايم ما صامش حاجة!!!!!!!!!!! الإثنين سبتمبر 29, 2008 11:12 pm | |
| | |
|