بونسواااار
موضوع اليوم كنت بكتبه من زماااااان , لكن العجز يقتل احيانا
مع انه مهم لكن مدري كلما جيت اكتبه , اتثاقل
همم خل اتفلسف شوي واقولكم بدايتي مع هالموزوع
كنا نشوف فلم على ام بي سي مي اند ماي فاملي
الفلم قديم شوي والممثلين مو مشهورين مرة بالنسبة لي
كانت قصة الفلم عن بنت بالاعدادي تقريبا وكانت جديدة بمدرستها وتبي تتأقلم وتندمج بسرعه وتصير very popular
فقامت تعرفت على بنت مزة معها بالكلاس , وصارت تقلدها بكل شي من ضمن الاشياء اللي قلدتها فيها ,
شريطة حمراء كانت تلبسها هذيك البنت على يدها ,,,مرة من المرات نزلت صاحبتنا تتعشى مع اهلها ولسه الاسورة بيدها فشافها ابوها
وتنح ..قالها شكون هذا ؟ قالت اسورة اكسسوار .. قالها وليه ماتشيليها خلاص انتي بالبيت ماله داعي تلبسن اكسسوار وقت العشا ,
قالت البنت بس صاحبتي ( هي قالت اسم البنت بس نسيته ) دايم تلبسها وماتشيلها ابد
تنح الابو مرة ثانيه وجلس يفكر وقالها مابدي اشوفك تلبسين هالشي ثاني مرة
طبعا احداث الفلم اللي بعد كذا وضحت وش قصة الاسورة ....لكن انا بقولكم وشو...
البنت كانت تتبع ديانة معينه عشان كذا كانت تلبس هالاسوار والبنت قلدتها وهي ماتدري شكون السالفه وصارت مشاكل عديدة انتهت اخيرا بسماع البنت لكلام ابويها ونزعها للاسورة
انا ضيعت بالفلم وماركزت مرة فاللي سويته انه بعد مدة سويت سيرج على ذي الديانه من باب الفضول
لكن !
استغربت من هول انتشار هالديانه على نطاق واسع جدن
واغلب الممثلين اللي نتابعهم يتبعونها
وهذا الشي اللي خلاني اكتب عنها , لان الاكثرية عندهم عقدة تقليد الفنانين بأزياءهم ولبسهم ومايدرون ان كانت هالملابس تتبع الموضه ولا تتبع معتقد خاص فيهم .نجي للديانة ذي ..واسمها الكابالا kabbalah
طبعا هي مذهب يهودي ونشأته كانت بالقرن السابع واستمرت الين القرن 18 ميلادي ..يقولون انها " محاولة لادخال روح مستحدثة الى الديانة اليهودية"
معنى الكلمة: الاستقبال او التلقي
وتطلق على مجموعة من المعتقدات التراثية اليهودية المعقدة
وهي تعتبر مرجع لليهود الارثوذوكس , واغلبهم يعتبروها جزء من دراسة التوراة لفهم معاني التوارة
طبعا دراسة التوراة تنقسم لعدة اقسام ومنها دراسة المعاني الخفية والدقيقة للتوراة وهي اللي يسموها كابالا
المذهب هذا مذهب متصوف ومتشدد ويضم تعاليم تبحث بالمعاني السرية والتصووفيه للتوراة, ولمن بحث المؤرخين عن اصل ومرجع المذهب هذا لقوا انه مذهب وفلسفة وثنية كات موجوده قبل اليهودية وتسلل الي الديانه اليهودية بطريقة ما
ويرتبط ايضا بانواع السحر والتنجيم بشكل كبير
بترككم مع اقوال مؤرخين يهود عن هالمذهب
المؤرخ اليهودي ثيودور رينخ Theodur Reinach فيصف كابالا بانه السم السري الذي دخل إلى عروق الدين اليهودي.
اما المؤرخ اليهودي الآخر "شلمون رينخ Salomon Ranch فيصف كابالا بانه اسوأ انحراف للعقل الانساني.
ولكن لماذا كان كابالا أسوأ انحراف للعقل الانساني؟
لانه كانت له علاقة وثيقة بالسحر... وبالسحر الأسود في الأخص. لقد شكل كابالا منذ آلاف السنين أهم قاعدة لكل نوع من أنواع السحر ولمعظم الطقوس السحرية السرية
هذي صورة الاسورة اللي يلبسوها انصار الكابالا
وبس ..خلصوا
بيني وبينكم احس شكل الاساور نايس
اعوذ بالله
الله يحفظنا ويبعدنا عنهم
ويعز الاسلام والمسلمين