التسامح والعفو !!!!!!!!

موضوع حلو اول شي

بالنسبة الي العفو غير التسامح
العفو انك سماحتو ونسيت
اما التسامح انك سامحتو بس ما نسيت

ليت مي انت عانيت من الفراق كتير وانا عنيت من التسامح مو العفو (لاني مستحيل انسى) كتير

انا مالي ضد المسامحة ابدا, بس مع الاسف الشديد صاير التسامح مستغل من قبل البشر , بيجي الواحد بيئذيك وبسيئ لالك و بكتر و بكتر وبالاخير بيجي بقلك (انا اسف) اسخف كلمة بحسها, طيب انا وين بصرفا هي

بالنسبة الي
انا بحاول قدر الامكان ما سوي شي يئذي غيري بس كرمال ما قول انا اسف , واذا سويت بعترف اني اخطأت لانو الاعتراف بالخطأ فضيلة بس ما بقول انا اسف دجني دجتك العافية ,ممكن اعتذر باي طريقة تانية بس ما قول اسف

بالنسبة للحولي
انا كتير بنتبه بتعاملي مع الناس وبحب الناس يعاملوني متل ما عم عاملن لا اكتر ولا اقل
انا كنت سامح بس هلق لأ ( طبعا بعد كم فصل مرتب)
طبعا مو ع اشيا بايخة, لأ, ع اشيا اذتني, يلي بئذيني مستحيل قابلو بالمثل لانو ما بأذي حدا كان الو معزة بقبلي بس ببساطة بشطب عليه كشخص بس كتعامل لأ ( وانما المؤمنون اخوة) يعني بساندو وبساعدو بس سامحو لا اعتقد , وبنفس الوقت ممكن سامح بالاخير مو كل اصابعي متل بعضها يعني اكيد في ناس منيحين بعد , ويكون اعتذارن من القلب

وطبعا بضل الشغلة نسبية يعني في خطأ عن خطأ بيفرق

هلق الاعتذار جاي من انك اعترفت بخطأك فالاعتذار مو حسن تربية بل الاعتراف هو يلي حسن التربية
والاعتذار ما بكون اهانة دائما , يعني انت بتحدد, حسب الطريقة , يعني انك تستسمح من شخص بطريقة يعني بدك تبوس اجريه كمان شوي غير انك وقت بتستسمح ب بوكيه ورد او شي كمة حلوة غير انا اسف طبعا

وبالنهاية كل الناس مخطئة بحق بعضها , وكل قلوب الناس حاملة على بعضها ولو شوية حقد وبالاخير نحنا بشر مو صح
يعني مهما حاولنا نصفي القلوب ونسامح رح يضل في شي

وفي قول بقولوه( المسامح كريم)
بقصدو المسامح يلي بسمح من قبلو , مو يلي بتظاهر بالتسامح , فاذا وقت بدي سامح بسامح من قلبي وبكون كريم
بس ما بسامح لمجرد المسامحة لانو ماكذب ع حالي

جاوبت ع كلشي
بس في هاد السؤال
أم أنك ترى نفسك أعلى من أن تسامح من أخطى في حقك ؟؟!!
بالعكس مو لاني بشوف حالي اعلى , لأ, بس لاني بحبن يكفي انو يقولوي والله انا غلطت بحقك , وانا بسامحن( طبعا عالاخطاء الصغيرة مو الاذى) يعني بدون كلمة اسف السخيفة وبدون شي


وبالاخييييييييير برجع بقلك في خطأ عن خطأ بيفرق



مشكور LET MEEEE


سورررررررررررري طولت بالرد كتير

اول شي شكراً لمرورك
تاني شي ما طولتي بالرد ولا شي
بالعكس كان ردك اكتر من رائع
وانا رح اختصر وركز على آخر جملة كانت بالموضوع
اللي هيه
و أخيرا ...هل الإعتذار إهانة .......ام حسن تربيه ؟؟!!
اكيد الاعتذار مو اهانة
بس احياناً بتحسو من ناس انو عم يهينوك بالاعتذار
وطبعاً متل ما قلتي خطأ عن خطأ يفرق
واحياناً بتحس الاعتذار من ناس عن جد طالع من القلب
وكمان كلمة آسف ما بعرف انتي ليش بتقولي عليها سخيفة
مع انو هي الكلمة بنظر بعض ناس بتكون كتير مهمة وقوية
بس اكيد مو كل الناس لآنو اصابع ايدك مو كلها سوا
وشكراً لمرورك مرة تانية