click

احلا تعارف واحلا شباب
 
الرئيسيةس .و .جبحـثقائمة الاعضاءالمجموعاتالتسجيلدخول

شاطر | 
 

 ناجي العلي دموع القدس

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
after forever
عضو متألق
عضو متألق


عدد الرسائل : 238
العمر : 27
علم دولتي : 0
مزاجي :
المهنة :
تاريخ التسجيل : 07/08/2008

مُساهمةموضوع: ناجي العلي دموع القدس   الجمعة أغسطس 29, 2008 3:44 pm

اسم معروف عند بعض الناس......
اسم دفنه التراب لسنوات عدة.........
اسم لم يأخذ حقه كفاية من الحياة.........
اسم يشع لمعانا و بريقا في الاعين الفلسطينية........
ناجي العلي!!
تسأل جيل اليوم من هو ناجي العلي؟
فتنصدم بتلك الاعين المستغربة والمتعجبة لسماع هذا الاسم.
حسنا!!!
انه شخص رسم بحبره و ريشته فلسطين , عبًر عن ذاته وعن وطنه بواسطة لوحات فنية رائعة , هي ليست بمجرد لوحات تشاهد وانما هي لوحات تتكلم تقص و تحكي لنا الحياة المؤلمة التي خاضها هذا الشعب

لقد استطاع ناجي خلق شخصية محببة معروفة عن البعض عبَر بها عن حالة الشعب الفلسطيني, شخصية مرتبطة بل و متشبثة بارض فلسطين, حنظلة!
نعم حنظلة,شخصية ترك لها حرية التعبير والتصرف ربما تراه واقفا تارة ومحاربا تارة اخرى , تراه يداوي الجرحى وربما يكون رافعا اللافتات المعارضة ووووووووو

من هو حنظلة؟
لن اقول , اريده ان يعرف بنفسه فهو يتكلم!



_
حنظلة هل انت مستيقظ
_ نعم aFter forever انا مستيقظ
_اصدقائي يودون التعرف عليك ,ارجوك عرف بنفسك
_ حسنا
_عزيزي القارئ اسمح لي ان اقدم لك نفسي .. انا وأعوذ بالله من كلمة أنا ..
اسمي : حنظلة ، اسم أبي مش ضروري ، امي .. اسمها نكبة وأختي الصغيرة فاطمة ..
نمرة رجلي :ما بعرف لاني دايماًً حافي ..
تاريخ الولادة : ولدت في (5 حزيران 67)
جنسيتي: انا مش فلسطيني مش أردني مش كويتي مش لبناني مش مصري مش حدا .. الخ ،باختصار معيش هوية ولا ناوي اتجنس .. محسوبك انسان عربي وبس ..
التقيت بالصدفة بالرسام ناجي …. كاره فنه لانه مش عار
ف يرسم .. وشرحلي السبب .. وكيف كل ما رسم عن بلد .. السفارة بتحتج ..الارشاد والانباء ( الرقابة) بتنذر ..
قلي الناس كلها اوادم .. صاروا ملايكة .. وآل ما في أحسن من هيك .. وبهالحالة .. بدي ارسم بدي اعيش .. وناوي يشوف شغلة غير هالشغلة ..
قلتله انت شخص جبان وبتهرب من المعركة .. وقسيت عليه بالكلام ، وبعدما طيبت خاطرو .. وعرفتو على نفسي واني انسان عربي واعي بعرف كل اللغات وبحكي كل اللهجات معاشر كل الناس المليح والعاطل والادمي والازعر .. كل الانواع .. اللي بيشتغلوا مزبوط واللي هيك وهيك .. وقلتله اني مستعد ارسم عنه الكاريكاتير . كل يوم وفهمته اني ما بخاف من حدا غير من الله واللي بدوا يزعل يروح يبلط البحر .. وقلتلو عن اللي بيفكروا بالكنديشن والسيارة وشو يطبخوا اكتر من مابفكروا بفلسطين ..
وياعزيزي القارئ .. انا اسف لاني طولت عليك .. وما تظن اني قلتلك هالشي عشان اعبي هالمساحة .. واني بالاصالة عن نفسي وبالنيابة عن صديقي الرسام اشكرك على طول .. وبس ..

_ شكرا لك يا حنظلة , متأسف للازعاج
_اهلا وسهلا after for ever ولو قضينا ليالي مع بعض , بس شو كنت بدي قلك اليوم 29 بالشهر متذكر شو في
_ولو معقول انسى
_شكرا لالك والله يكتر من امثالك , بما اني عرفت عن حالي لرفقاتك بدي اطلب طلب
_تفضل حنظلة طلباتك اوامر
_تسلم يا طيب. بدي دقيقة صمت لروح الشهيد ناجي العلي
_ولو هاد مو طلب هاد واجب علينا
_تسلم after forever
_هلا حنظلة



محادثة حية مباشرة وليست منقولة , شفتو كيف حنظلة بيحكي
بس قلي انو بدو دقيقة صمت لروح الشهيد ناجي العلي , حدا فهم شو بدو ؟
طيب, اليوم 29 اب ذكرى وفاة الشهيد ناجي العلي, منشان هيك حبيت اكتب موضوع لعبر ولوشوي صغيرة عن مدى احترامي لهل الشخص

وهي لمحة عن حياتو وهيي منقولة طبعا من منتدى ناجي العلي.


ناجي سليم حسين العلي ، الملقب بضمير الثورة ، من مواليد قرية الشجرة عام 1936 وهي قرية تقع بين الناصرة وطبريا في الجليل الشمالي من فلسطين .
يقال إنها أعطيت هذا الاسم ، لأن السيد المسيح عليه السلام ، استظل فيء شجرة في أرضها .
شرد من فلسطين عام 1948 ، نزح وعائلته مع أهل القرية باتجاه لبنان ( بنت جبيل) وهو من أسرة فقيرة تعمل في الزراعة والأرض ، لجأ إلى مخيم عين الحلوة شرق مدينة صيدا حيث سكن وعائلته بالقرب من بستان أبو جميل قرب الجميزة منطقة " عرب الغوير" وكان يقضي أوقاتاً طويلة في مقهى أبو مازن (محمد كريم – من بلدة صفورية ) .
وكانت حياة ناجي العلي في المخيم عبارة عن عيش يومي في الذل. فأحدث ذلك صحوة فكرية مبكرة لديه، عرف انه وشعبه ، كانا ضحايا مؤامرة دنيئة دبرتها بريطانيا وفرنسا ، بالتحالف والتنسيق مع الحركة الصهيونية العالمية .
درس ناجي العلي في مدرسة " اتحاد الكنائس المسيحية " حتى حصوله على شهادة " السرتفيكا" اللبنانية ، ولما تعذر عليه متابعة الدراسة ، اتجه للعمل في البساتين وعمل في قطف الأكي دنيا والحمضيات والزيتون (مع الوكيل سعيد الصالح أبو صالح ) لكن بعد مدة ، ذهب إلى طرابلس – القبة ومعه صديقة محمد نصر شقيق زوجته (لاحقاً )ليتعلم صنعة في المدرسة المهنية التابعة للرهبان البيض .
تعلم سنتين هناك ، ثم غادر بعد ذلك إلى بيروت حيث عمل في ورش صناعية عدة ، نصب خيمة قديمة (من الخيم التي كانت توزعها وكالة الغوث ) في حرش مخيم شاتيلا ، وعاش في حياة تقشف .
1957 سافر إلى السعودية بعدما حصل على دبلوم الميكانيكا وأقام فيها سنتين ، كان يشتغل ويرسم أثناء أوقات فراغه ، ثم عاد بعد ذلك إلى لبنان .
1959 حاول أن ينتمي إلى حركة القوميين العرب ، لأنه وخلال سنة واحدة ، أبعد أربع مرات عن التنظيم ، بسبب عدم انضباطه في العمل الحزبي .
1960 - 1961 أصدر نشرة سياسية بخط اليد مع بعض رفاقه في حركة القوميين العرب تدعى " الصرخة " .
عمل في عدة صحف ونذكر منها مجلة الطليعة الكويتية وجريدة السياسة الكويتية وجريدة السفير وجريدة القبس
متزوج من السيدة وداد صالح نصر من بلدة صفورية – فلسطين وله أربعة أبناء: خالد ، أسامه ، ليال وجودي

اغتيل في لندن يوم 22 / 7 / 1987 وتوفي 29/ 8/ 1987 م .
وبعد وفاته ، أقيم مركز ثقافي في بيروت أطلق عليه اسم " مركز ناجي العلي الثقافي" تخليداً لذكراه ، كما حملت اسم الفنان مسابقة الرسم الكاريكاتوري أجرتها جريدة " السفير" .
8/ 2/ 1988 وصف الاتحاد الدولي لناشري الصحف في باريس ناجي العلي ، بأنه واحد من أعظم رسامي الكاريكاتير منذ نهاية القرن الثامن عشر ، ومنحه جائزة " قلم الحرية الذهبي" وسلمت الجائزة في إيطاليا إلى زوجته وابنه خالد ، علماً بأن ناجي العلي هو أول صحافي ورسام عربي ينال هذه الجائزة


له بعض الاقوال المحببة لدي اود ان اقولها لكم وهي:
" كلما ذكروا لي الخطوط الحمراء طار صوابي, أنا أعرف خطا أحمرا واحداً، إنه ليس من حق أكبر رأس أن يوقع على اتفاقية استسلام وتنازل عن فلسطين "
" اللي بدو يكتب لفلسطين, واللي بدو يرسم لفلسطين, بدو يعرف حالو ..... ميت " ( بس انا مارح موت)




وهي هي شخصيتي المفضلة ناجي العلي , بتمنى كون وفيت حقو بالكلام مع اني بعرف مسبقا انو لو الكل حكى عنو ما رح نوفي ولو جزء صغير
وبتركن مع بعض لوحاتو يلي بحبها













طيب شوفي لسا بعد النهاية؟؟


ما بعد النهاية كان معكن
AFTER FOREVE

















_ هيي هيي عمهلكafter forever شوي ,وين رحت , صاير ما عم ترسمني اخر مدة

_حنظلة سوري منك صاير ما عم ارسم كتير , قلتلك اني دخلت طب وعم ادرس وما عم افضى
_مو مشكلة after forever المهم اني باقي بقلبك وعقلك ع طول , وشكرا لالك لانك متذكر ذكرى اغتيال الشهيد ناجي العلي وشكرا لرفقاتك يلي شاركونا هاللفتة الحلوة عن حياتو وحياتي
_شكرا حنظلة , بس بدي قلك انو لو استشهد ناجي العلي انت باقي ليوم يظهر الحق يلا روح ع قرية الشجرة مسقط رأس ناجي و قرأ الفاتحة عن كل العرب والفلسطينية خصوصا
_طيب وعقبال ماتجي انت بنفسك وتقرأ, سلام after forever
_سلام يا بطل






شكرا للجميع , سوري طولت عليكن
AFTER FOREVER Exclamation Exclamation Question




lol!


عدل سابقا من قبل after forever في السبت أغسطس 30, 2008 4:55 pm عدل 2 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
derta_azura
المدير العام
المدير العام


عدد الرسائل : 379
علم دولتي : 0
مزاجي :
المهنة :
الاوسمة :
تاريخ التسجيل : 30/07/2008

مُساهمةموضوع: رد: ناجي العلي دموع القدس   الجمعة أغسطس 29, 2008 7:27 pm

شكرا حبيبتي الموضوع رائع جدا
بس الصور مش موجودة Exclamation

_________________



الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
john cena
V I P


عدد الرسائل : 710
العمر : 25
علم دولتي : 0
المهنة :
الاوسمة :
تاريخ التسجيل : 02/08/2008

مُساهمةموضوع: رد: ناجي العلي دموع القدس   السبت أغسطس 30, 2008 12:26 am

يسلمو ع الموضوع
فعلاً موضوع رائع
بس فعلاً كمان الصور مو طالعة
مششكورة مرة تانية يا افتر
تقبلي مروري

_________________
ch0se your de5tiny
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
hosamo
عضو جديد بس حباب
عضو جديد بس حباب


عدد الرسائل : 92
العمر : 28
علم دولتي : 0
مزاجي :
المهنة :
تاريخ التسجيل : 09/08/2008

مُساهمةموضوع: رد: ناجي العلي دموع القدس   السبت أغسطس 30, 2008 11:17 am

مشكورة كتير بس اتمنيت الصور تكون موجودة
بس بالفعل الموضوع رائع
وشكرااااااااااااااااا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
after forever
عضو متألق
عضو متألق


عدد الرسائل : 238
العمر : 27
علم دولتي : 0
مزاجي :
المهنة :
تاريخ التسجيل : 07/08/2008

مُساهمةموضوع: رد: ناجي العلي دموع القدس   السبت أغسطس 30, 2008 5:10 pm

سوووووووووووووووري من الجميع ع التأخير
بس كان في خطأ بالتنزيل

مرسي ابو راشد ع مرورك الحلو و ع مساعدتك.
let meeee انشالله يكون الموضوع عجبك وتكون رضيان عني؟
hosamo عفواااااااااااااا , وشكرا للشكرا تبعيتك.

وبصراحة ما تقلت العيار ابدا بالنسبة للصور , لانو في صور ما خرج تنعرض بالمنتديات , بس بتمنى من الجميع انو يدخل ع اي منتدى او اي شي بيتعلق ب ناجي , ويشوف صورو , واذا حدا تفشكل بطريقو ع شي صورة مو معروفة او جديدة, بتمنى انو يرسلي اياه



وانشالله الكل يتذكر هاد التاريخ 29 اب


بس لا تخافوا انا كل سنة رح ذكركن , بس بتمنى تتذكرو لحالكن لانو حنظلة بيزعل منكن كتيييييير



واحلى سلام لاحلى اعضاء بالمنتدى , وسلام خاص جدا جدا من حنظلة , وصاني اوصلو الكن


AFTER FOREVER Question Exclamation Exclamation


عدل سابقا من قبل after forever في السبت أغسطس 30, 2008 10:48 pm عدل 1 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
BanG.BanG
عضو متألق
عضو متألق


عدد الرسائل : 171
علم دولتي : 0
تاريخ التسجيل : 08/08/2008

مُساهمةموضوع: رد: ناجي العلي دموع القدس   السبت أغسطس 30, 2008 7:03 pm

thanks

ana aktr w7de bttzkr twaree5


w 5sosi naje el 3li !!!

w ente akbr shahd mo????????


mwdoo3 6weel bs 7lu l2nno ktabt eedk ya 7lu
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
after forever
عضو متألق
عضو متألق


عدد الرسائل : 238
العمر : 27
علم دولتي : 0
مزاجي :
المهنة :
تاريخ التسجيل : 07/08/2008

مُساهمةموضوع: رد: ناجي العلي دموع القدس   السبت أغسطس 30, 2008 9:59 pm

Shocked ايوا ايوا !!!!

اي ماشالله عليكي , كتيييييييييييير بتتذكري تواريخ
وانا بشهد عهل شي ,ههههههههههههه

ع كلن مشكورة حبيبتي كتير عالرد الحلو متلك




AFTER FOREVER Question Exclamation Exclamation
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
king the i am
عضو نشيط
عضو نشيط


عدد الرسائل : 142
علم دولتي : 0
مزاجي :
المهنة :
الاوسمة :
تاريخ التسجيل : 13/08/2008

مُساهمةموضوع: رد: ناجي العلي دموع القدس   الأحد أغسطس 31, 2008 9:47 pm

مشكورة كتير على هالموضوع وخاصة بعد الصور
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
after forever
عضو متألق
عضو متألق


عدد الرسائل : 238
العمر : 27
علم دولتي : 0
مزاجي :
المهنة :
تاريخ التسجيل : 07/08/2008

مُساهمةموضوع: رد: ناجي العلي دموع القدس   الأحد أغسطس 31, 2008 9:59 pm

thx alOoOoOot king the i am





after forever Question Exclamation Exclamation
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ابو ريما
عضو متألق
عضو متألق


عدد الرسائل : 464
علم دولتي : 0
الاوسمة :
تاريخ التسجيل : 09/08/2008

مُساهمةموضوع: رد: ناجي العلي دموع القدس   الإثنين سبتمبر 01, 2008 3:28 pm

عن جد وانا هي اول مرة اتأثر مبوضوع متل هيك ما بعرف كيف بدي عبر بس عن جد متل كأني عم اتفرج على مسرحية وفيها شخصيات شكرا الف شكر عالموضوع والتذكير بأحد ابطال فلسطين ومشكور يا حنظلة

_________________


Smoke Some WeeD
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
after forever
عضو متألق
عضو متألق


عدد الرسائل : 238
العمر : 27
علم دولتي : 0
مزاجي :
المهنة :
تاريخ التسجيل : 07/08/2008

مُساهمةموضوع: رد: ناجي العلي دموع القدس   الإثنين سبتمبر 01, 2008 5:13 pm

هلا ابو ريما نور المنتدى بعد زمان وين مختفي Question Question Question
وانا كمان ما بعرف كيف بدي رد ع ردك الحلو
شكرا الك



after forever Question Exclamation Exclamation
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
john cena
V I P


عدد الرسائل : 710
العمر : 25
علم دولتي : 0
المهنة :
الاوسمة :
تاريخ التسجيل : 02/08/2008

مُساهمةموضوع: رد: ناجي العلي دموع القدس   الإثنين سبتمبر 01, 2008 10:58 pm

شكراً يا افتر لآنو جبتي الصور
ع فكرة انا شايف كتير صور متل هي
وان شاء الله رح جبلك منا
الف شكر مرة تانية

_________________
ch0se your de5tiny
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
after forever
عضو متألق
عضو متألق


عدد الرسائل : 238
العمر : 27
علم دولتي : 0
مزاجي :
المهنة :
تاريخ التسجيل : 07/08/2008

مُساهمةموضوع: رد: ناجي العلي دموع القدس   الإثنين سبتمبر 01, 2008 11:44 pm

العفو لاني جبت الصور

وشكرا لانك رد تجبلي الصور let meeee

وشكرا ع مرورك الثاني نورت الموضوع
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
ناجي العلي دموع القدس
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
click :: الفئة العامة :: القسم العام-
انتقل الى: